कागजातहरु

1. रितपुर्वक भरिएको दरखास्त फाराम २ प्रति ।
2. नेपाली नागरिकताको प्रमाणपत्रको सक्कल र सोको छायाँप्रति १ प्रति ।
3. ६ महिना भित्र खिचेको मापदण्ड मिलेको पूर्ण रुपमा अगाडी फर्केको दुवै कान देखिने, आँखाले क्यामरामा हेरेको, टाउको पुरा र काँधको केहि भाग देखिने, मुख बन्द भएको, चहकिलो रंगको लुगा नलगाएको, मुखमा लिपिष्टिक नलगाएको र विशेष धार्मिक, साँस्कृतिक एवं स्वास्थ्य सम्बन्धि कारण बाहेक टाउको खुल्ला भएको र अनुहार ७० देखि ८० प्रतिशत सम्म ढाकेको ४५ मि.मि. ३५ मि.मि. साईजको रङ्गिन फोटो –४ प्रति । 
4. राहदानी दस्तुर जम्मा गरेकाे बैंक भाैचर (कृषी विकास बैंक, शाखा काेहलपुरमा रहेकाे खातामा जम्मा गर्नुपर्ने) ।
5. १६ वर्ष उमेर नपुगेका नाबालिगको हकमा नाबालक परिचयपत्र, निजको बाबु/आमाको नागरिकताको प्रमाणपत्र र सोको छाँयाप्रति सहित बाबु/आमा मध्ये कुनै एक स्वयम् उपस्थित हुनुपर्दछ । संरक्षक/माथवर व्यक्ति नियुक्त भएकोमा संरक्षक÷माथवर व्यक्तिको नागरिकताको प्रमाणपत्र तथा त्यसको छाँयाप्रति सहित संरक्षक/माथवर व्यक्ति उपस्थित हुनुपर्दछ ।
6. पहिले राहदानी बनाइ सकेको भए सोको सक्कल र छाँयाप्रति १ प्रति ।
7. अन्यत्र जिल्लाबाट बसाइसराइ गरी आएकाहरुको हकमा : माथि उल्लेखित कागजातका अतिरिक्त बसाइसराइ प्रमाणपत्र, नागरिकता बनेको जिल्लाबाट नागरिकता अभिलेख भिडान भएको पत्र ।
8. विवाहदर्ताका आधारमा ः अन्यत्र जिल्लाबाट विवाह गरी आएकाहरू महिलाहरूका लागि १-६ नम्बरसम्मका कागजात सहित विवाहदर्ता प्रमाणपत्र सक्कल र साेकाे छायाँप्रति १ थान, सम्बन्धित जिल्ला प्रशासन वा इलाका प्रशासनबाट नागरिकताकाे विवरण भिडान भएकाे जानकारी ।
9. कर्मचारी परिवारका आधारमा ः स्थायी ठेगाना अन्यत्र भइ यस जिल्लामा स्थायी सेवा (निजामती सेवा, नेपाल सैनिक सेवा, नेपाल प्रहरी सेवा, सशस्त्र प्रहरी बल, नेपाल र नेपाल विशेष सेवा) मा कार्यरत कर्मचारीले १-६ नम्बरसम्मका कागजात सहित सम्बन्धित कार्यरत कार्यालयकाे संकेत नं., पद, दर्जा र कार्यरत रहेकाे मिती लगायत विवरण खुलाइएकाे राहदानी बनाउने प्रयाेजनकाे सिफारिस पत्र, परिचयपत्र समेत थप गर्नुपर्नेछ ।
10. अन्य कुनै जानकारीका लागि राहदानी शाखामा सम्पर्क राख्न सकिनेछ ।

प्रक्रियाहरु

तोकिएको कागजात र प्रक्रिया पुरा भएपछि राहदानीका लागि आवेदन भएमा राहदानी विभागबाट यन्त्रवाचक राहदानी तयार भई कार्यालयमा प्राप्त भएपछि राहदानी वितरण गरिने छ ।